Rusl fyrir handan?

Skildi himnaríki vera farið á hausinn og sé að vinna sér inn fyrir rafagnsreikningnum?  Frábær fyrirsögn. 

Látnir tína upp plastpoka

Takk trukkabílstjórar, eða þannig.

Langar til að koma þökkum til Stulla Jóns og félaga sem stóðu fyrir því að stoppa umferð hér um daginn, ítrekað!  Það kostaði mig í tapaðri vinnu um 7680.- krónur og eitthvað kostar það jú í bensín að vera stopp og hjakka bílnum áfram eins og við óbreyttir borgarar neyddumst til að gera hvort sem okkur líkaði betur eða verr.  Og hvað??  Hvað er búið að gerast í þessum málum?  Ekki neitt nema það að þið gerðuð ykkur að fíflum og bensínverðið hefur aldrei verið hærra! 

Það væri gáfulegra fyrir ykkur að taka lyklana úr öllum flutningabílum í landinu, eða hreinlega taka höndum saman og fara í verkfall, ég get vel stutt það.  En að stoppa hundruðir ef ekki þúsundir saklausra borgara í fyrirfram tapaðri baráttu er alveg vonlaust.

En sennilega er það of dýrt fyrir ykkur að fara í verkfall, vegna undirboða og annars slíks sem þið eruð búnir að skapa ykkur sjálfir, þannig að þá er að ráðast á borgarana.

Til hamingu með hvað þetta er búið að ganga vel hjá ykkur, og í guðanna bænum gerið eitthvað að viti ef þið ætlið að halda áfram, ekki láta mig eyða meira bensíni í það að vera stopp á Miklubrautinni eða að leita að opinni leið í vinnuna.